തെക്രോടത് ബീരാലി താഴത്തറ തിരുനാവായ
Evide click cheyyuka
ഇവിടെ ക്ലിക്ക് ചെയ്യുക
ഒരുമ തന്നെ പെരുമ
അല്ലാഹു നമുക്ക് ആഫിയത്തുള്ള ദീര്‍ഘആയുസ്സ് നല്‍കട്ടെ
2011, ഡിസംബർ 21, ബുധനാഴ്‌ച
2011, ഡിസംബർ 19, തിങ്കളാഴ്‌ച
2011, ഡിസംബർ 11, ഞായറാഴ്‌ച
EDAKKULAM PATANI SHAHEED MAQAM
തിരുനാവായ: മലബാര്‍ കലാപ സ്മാരകമായ എടക്കുളത്തെ കുന്നുംപുറം പഠാണി ശഹീദ് മഖാം ടൂറിസം മാപ്പില്‍ ഇടം തേടുന്നു. ഇതിന്റെ മുന്നോടിയായി ജില്ലാ ടൂറിസം പ്രമോഷന്‍ കൗണ്‍സില്‍ കുന്നുംപുറത്ത് മഖാമിന്റെ പേര്‍ രേഖപ്പെടുത്തിയ ചൂണ്ടുപലക സ്ഥാപിച്ചു. കോഴിക്കോട്ടുനിന്ന് പായക്കപ്പലില്‍ തിരുനാവായ ബന്തറിലെത്തിയ നാട്ടുരാജാക്കന്മാരുടെ ചുങ്കം പിരിവുകാരുമായുണ്ടായ ഏറ്റുമുട്ടലില്‍ രക്തസാക്ഷിയായ പണ്ഡിതനും ടിപ്പുവിന്റെ പടയാളികളില്‍ പ്രമുഖനുമായ സിറാജുല്‍ അക്താര്‍ എന്ന പഠാണി ശഹീദാണ് മഖ്ബറയില്‍ അന്ത്യവിശ്രമം കൊള്ളുന്നതെന്നാണ് ചരിത്രം. അക്കാലത്ത് ചങ്ങമ്പള്ളി ഗുരുക്കന്മാരുടെ അധീനതയിലുള്ള സ്ഥലത്ത് ഖബറടക്കിയതുകൊണ്ടാണ് മഖ്ബറയുടെ കൈവശാവകാശം ഈ തറവാട്ടില്‍ വന്നു ചേര്‍ന്നത്. മലബാര്‍ കലാപകാലത്ത് മഖാം പരിസരത്തും തൊട്ടടുത്ത അംശക്കച്ചേരിയിലുമായിരുന്നു ബ്രിട്ടീഷ് പട്ടാളം ക്യാമ്പു ചെയ്തത്. ഖിലാഫത്തിന്റെ ഭാഗമായി കല്‍പകഞ്ചേരി കേന്ദ്രമായി പ്രവര്‍ത്തിച്ച മൂപ്പന്മാരുടെ നേതൃത്വത്തിലുള്ള സ്വാതന്ത്ര്യ സമര സേനാനികളുടെ സംഘം കൂട്ടബാങ്ക് കൊടുത്ത് പ്രദേശം സ്വതന്ത്രനാടായി പ്രഖ്യാപിച്ചു. മഖാമില്‍ കാല്‍നൂറ്റാണ്ടു മുമ്പുവരെ ആണ്ടു നേര്‍ച്ച നടത്തിവന്നിരുന്നു. അന്ന് കൊടിയുയര്‍ത്താന്‍ ആഴ്‌വാഞ്ചേരി മനക്കല്‍നിന്ന് സംഭാവന ചെയ്ത തേക്കിന്റെ കൊടിമരം ഇന്നും ഇവിടെ നിലനില്‍ക്കുന്നുണ്ട്. നാനാ ജാതി മതസ്ഥര്‍ ഇവിടെ നിത്യ സന്ദര്‍ശകരാണ്. മഖാം നേരത്തെ നിളാ ടൂറിസം പദ്ധതിയില്‍ ഉള്‍പ്പെടുത്തി പ്രഖ്യാപനം വന്നെങ്കിലും ഒഴിവാക്കുകയായിരുന്നു. വൈകിയാണെങ്കിലും മഖാം ഏറ്റെടുത്ത് സംരക്ഷിക്കാന്‍ ഡി. ടി.പി.സി സന്നദ്ധത പ്രകടിപ്പിച്ചതില്‍ നാട്ടുകാരും ചരിത്ര- സാംസ്‌കാരിക പ്രവര്‍ത്തകരും സംതൃപ്തരാണ്.
BEWARE MOBILE PHONE MISUSE
കായംകുളം: കൗമാരക്കാരുടെ ഫോണ്‍ ദുരുപയോഗം തടയാന്‍ കഴിയുന്ന മൊബൈല്‍ ഫോണുമായി കോളജ് അധ്യാപകന്‍. ഇലക്ട്രിക ്-ഇലക്‌ട്രോണിക്‌സ് മേഖലയില്‍ നിരവധി കണ്ടുപിടിത്തങ്ങളോടെ ശ്രദ്ധേയനായ ഗിരീശനാണ് (27) നിയന്ത്രണാധികാരങ്ങള്‍ രക്ഷാകര്‍ത്താക്കള്‍ക്ക് നല്‍കുന്ന ഫോണ്‍ കണ്ടുപിടിച്ചത്. എല്ലാ പ്രായക്കാര്‍ക്കും വേണ്ടി ഒരേതരത്തിലെ ഫോണുകളാണ് ഇപ്പോള്‍ പ്രചാരത്തിലുള്ളത്. ഇത്തരം ഫോണുകള്‍ കൗമാരക്കാരില്‍ എത്തുന്നത് ദുരുപയോഗ സാധ്യത വര്‍ധിപ്പിക്കുന്നു എന്നതാണ് പുതിയ പരീക്ഷണത്തിന് ഗിരീശനെ പ്രചോദിപ്പിച്ചത്.
പാസ്‌വേര്‍ഡ് മുഖാന്തരം മാത്രമേ ഗിരീശന്റെ കണ്ടുപിടിത്തമായ ഫോണ്‍ ഉപയോഗിക്കാന്‍ കഴിയൂ. പാസ്‌വേര്‍ഡ് അറിയുന്നവര്‍ക്കു മാത്രമേ ഫോണിലേക്ക് വിളിച്ച് സംസാരിക്കാന്‍ കഴിയുകയുള്ളൂ. പാസ്‌വേര്‍ഡില്ലാതെ വിളിച്ചാല്‍ ഫോണില്‍ ബെല്ലടിക്കുമെങ്കിലും സംസാരിക്കാന്‍ കഴിയില്ല. മുന്‍കൂട്ടി ക്രമീകരിച്ചിട്ടുള്ള രണ്ടോ മൂന്നോ നമ്പരുകളിലേക്ക് മാത്രമെ തിരികെ വിളിക്കാനും കഴിയൂ. സ്‌ക്രീന്‍പ്ലേ ഇല്ലാത്ത ഫോണില്‍ എസ്.എം.എസ് സൗകര്യവും ഉണ്ടാകില്ല. 2000 രൂപയില്‍ താഴെ മാത്രമാണ് ഫോണിന് വില.
ഇലക്ട്രിക് -ഇലക്‌ട്രോണിക്‌സ് രംഗത്ത് നൂറ്റിയെട്ടോളം നൂതന കണ്ടുപിടിത്തങ്ങളാണ് ഇതിനോടകം ഗിരീശന്‍ നടത്തിയിട്ടുള്ളത്. വയര്‍ലെസ് വോട്ടുയന്ത്രം, എയര്‍കണ്ടീഷന്‍ ഹെല്‍മറ്റ്,കോയിന്‍ സൗകര്യമുള്ള ഇന്റര്‍നെറ്റ് കഫേ, ഇലക്‌ട്രോണിക്‌സ് ചൂല്‍, പണം നിക്ഷേപിക്കാന്‍ കഴിയുന്ന എ.ടി.എം കൗണ്ടര്‍ തുടങ്ങിയവയാണ് ശ്രദ്ധകവര്‍ന്നത്. കായംകുളം ചേരാവള്ളി പന്തപ്ലാവില്‍ മങ്ങാട്ട് ഗോപാലമേനോന്റെയും ഗിരിജാദേവിയുടെയും മകനായ ഗിരീശന്‍ റാന്നി പെരുനാട് കാര്‍മല്‍ എന്‍ജിനീയറിങ് കോളജ് അധ്യാപകനാണ്. ഫോണ്‍: 9495308311.
പാസ്‌വേര്‍ഡ് മുഖാന്തരം മാത്രമേ ഗിരീശന്റെ കണ്ടുപിടിത്തമായ ഫോണ്‍ ഉപയോഗിക്കാന്‍ കഴിയൂ. പാസ്‌വേര്‍ഡ് അറിയുന്നവര്‍ക്കു മാത്രമേ ഫോണിലേക്ക് വിളിച്ച് സംസാരിക്കാന്‍ കഴിയുകയുള്ളൂ. പാസ്‌വേര്‍ഡില്ലാതെ വിളിച്ചാല്‍ ഫോണില്‍ ബെല്ലടിക്കുമെങ്കിലും സംസാരിക്കാന്‍ കഴിയില്ല. മുന്‍കൂട്ടി ക്രമീകരിച്ചിട്ടുള്ള രണ്ടോ മൂന്നോ നമ്പരുകളിലേക്ക് മാത്രമെ തിരികെ വിളിക്കാനും കഴിയൂ. സ്‌ക്രീന്‍പ്ലേ ഇല്ലാത്ത ഫോണില്‍ എസ്.എം.എസ് സൗകര്യവും ഉണ്ടാകില്ല. 2000 രൂപയില്‍ താഴെ മാത്രമാണ് ഫോണിന് വില.
ഇലക്ട്രിക് -ഇലക്‌ട്രോണിക്‌സ് രംഗത്ത് നൂറ്റിയെട്ടോളം നൂതന കണ്ടുപിടിത്തങ്ങളാണ് ഇതിനോടകം ഗിരീശന്‍ നടത്തിയിട്ടുള്ളത്. വയര്‍ലെസ് വോട്ടുയന്ത്രം, എയര്‍കണ്ടീഷന്‍ ഹെല്‍മറ്റ്,കോയിന്‍ സൗകര്യമുള്ള ഇന്റര്‍നെറ്റ് കഫേ, ഇലക്‌ട്രോണിക്‌സ് ചൂല്‍, പണം നിക്ഷേപിക്കാന്‍ കഴിയുന്ന എ.ടി.എം കൗണ്ടര്‍ തുടങ്ങിയവയാണ് ശ്രദ്ധകവര്‍ന്നത്. കായംകുളം ചേരാവള്ളി പന്തപ്ലാവില്‍ മങ്ങാട്ട് ഗോപാലമേനോന്റെയും ഗിരിജാദേവിയുടെയും മകനായ ഗിരീശന്‍ റാന്നി പെരുനാട് കാര്‍മല്‍ എന്‍ജിനീയറിങ് കോളജ് അധ്യാപകനാണ്. ഫോണ്‍: 9495308311.
2011, ഡിസംബർ 4, ഞായറാഴ്‌ച
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)